IPirates igqemeke ingozi ngoSibisi

NGUNKOSINATHI Sibisi ongukaputeni we-Orla-ndo Pirates ozobe engekho ezakhe zibhekene neSuperSport koweNedbank Cup.
ISITHOMBE NGABE: BACKPAGEPIX

SENZO SOKHELA

UGQEMEKE ingozi engeqiwa ntwala uJose Riveiro ongumqeqeshi we-Orlando Pirates nje-ngoba ezakhe zizoya emdlalweni omqoka nga-phandle kukaNkosinathi "Bhodlela" Sibisi owu-mgogodla wale kilabhu.

IBucs izobhekana neSuperSport United kwiQuarter final yeNedbank Cup ngoMgqibelo ngo-15h00 e-Old Peter Mokaba Stadium, ePolokwane.
Iya kulo mdlalo nje, iguqise ngo-1-0 iChippa Uni-ted koweBetway Premiership ngoLwesithathu ebusuku eNelson Mandela Bay Stadium, eGqeberha.

USibisi oyisitobha seBucs, ube yiqhawe eshaya igoli behlwitha amaphuzu amathathu kwiChippa. Nokho ngeke abe yingxenye yomdlalo weSuperSport kwazise udonsa isigwebo samakhadi aphu-zi amane. Elesine ulithole kuwo lo mdlalo weChi-ppa.

URiveiro uthi bagqemeke engeqiwa ntwala ngokungabikhona kukaSibisi.

"Sinenkinga enkulu emuva kwazise siyaxega ngenxa yokulimala. Ukungabikhona kukaSibisi kulo mdlalo kuvula enkulu imbobo. Kodwa-ke yithina esivikela le nkomishi, kufanele sikulwele ukudlulela emzuliswaneni olandelayo," esho.

UZOBE ezibuka nezihlwele ezakhe uGavin Hunt zivovana nePirates.
ISITHOMBE NGABE: BACKPAGEPIX

ISuperSport izogijima lo mdlalo iphonselwe nje-ngoba umqeqeshi wayo, Gavin Hunt naye ezoku-be edonsa isigwebo samakhadi.

IKaizer Chiefs - okuqale isizini ilibeka ngesihloko elokuthi ifuna ukunqoba okuthile - isalelwe wu-kulwela lesi sicoco kuphela (kule sizini) njengoba sekucacile ukuthi kayisekho embangweni weligi.

Izobhekana neChippa United ngoMgqibelo ngo-18h00 eNelson Mandela Bay Stadium, e-Eastern Cape.

IKwaZulu-Natal seyimelwe yiDurban City kuphela kulo mqhudelwano. ICity izogadulisana neMaru-mo Gallants ngeSonto ngo-15h00 eChatsworth Stadium.

Isiyonke imidlalo yamaQuarter final yeNedbank Cup imi kanjena:-
NGOMGQIBELO
E-Old Peter Mokaba Stadium: SuperSport United vs Orlando Pirates 15h00.
ENelson Mandela Bay Stadium: Stellenbosch FC vs Kaizer Chiefs 18h00.
ELucas Moripe Stadium: Mamelodi Sundowns vs Sekhukhune United 20h00.
NGESONTO
EChatsworth Stadium: Durban City vs Marumo Gallants 15h00.