Isizini yesibili ilandisa kabanzi ngoShaka noNandi befika KwaNobamba

NGUNOMZAMO Mbatha ongomunye wabalingisi abahamba phambili kulo mdlalo.

THANDI ZONDI

UKHUZA ibuya nabalingisi abasha umdlalo ka-mabonakude odonse amehlo ababukeli ngesizini yokuqala, uShaka Ilembe, okuzoqala isizini yawo yesibili mhla ka-15 kuJune.

Phakathi kwabalingisi abasha abazobonakala kulo mdlalo, ngu-Andile Mxakaza, nguZamani Mbatha, uVuyo Biyela, uMelusi Mbele noWonder Ndlovu.

Ephawula ngabadlali abasha uDesiree Markgraaff oyi-execuitve producer yeShaka iLembe, uthe: "Bazoletha umdlandla, izinkinga ezahlukene zamandla, uthando nokwethembeka esikhathini sobunzima." 

KUSUKELA kwesobunxele nguZamani Mbatha, nguVuyo Biyela no-Andile Mxakaza abangabalingisi abasha kuShaka Ilembe.

Isizini yesibili ilandisa kabanzi ngoShaka noNandi befika KwaNobamba, lapho iLembe liqala khona ukubusa njengenkosi yamaZulu.
"Yilapho simbona khona njengoShaka, usoma-qhinga nombono wakhe ebumba umbuso," kusho uNomsa Philiso ongumqondisi wezinhlelo ezivutshelwe kwaMultiChoice.

Kuzokhumbuleka ukuthi lo mdlalo waziwolela izindondo eziwu-12 kwiSouth African Film and Television Awards (SAFTA).
UNomzamo Mbatha odlala indawo kaNandi, ongunina kaShaka, wanqoba indondo yeBest African Actress kwi-2024 Septimius Awards e-Amsterdam ngenxa yalo mdlalo.

NGUKHABONINA Qubeka odlala indawo kaNtombazi, unina weNkosi uZwide.

USheli Masondo yena wathola eyeBest Costume Design ngomsebenzi omuhle wemvunulo egqo-kwa kulo mdlalo.
UWiseman Mncube ubuyela ekudlaleni indawo yeNkosi yakwaNdwandwe, uZwide, uDawn Thandeka King uzobuyela enguMkabayi, uKhabonina Qubeka uzoqhubeka nekaNtombazi, unina kaZwide kanti noMondli Makhoba usekho-na kwekaNgomane, isethenjwa sikaShaka.