NGU-PEP Guardiola ongumqeqeshi weMan City. 

ISITHOMBE NGABE: BACKPAGEPIX

UMQEQESHI weManchester City yase-England, uPep Guardiola, ukholwa wukuthi basengakwazi ukusula abalandeli babo izinyembezi ngokubanqobela iFA Cup, okuyiyona esibasalele njengoba sekucacile ukuthi ngeke basakwazi ukuvikela isicoco se-English Premier League (EPL) abasinqobe nyakenye.

IMan City izobhekana neBournemouth koweFA Cup ngeSonto ngo-17h30.

"Empeleni ukuba ngiqeqesha kwezinye izindawo, ngabe sengifakwe amasondo"

Ekhuluma ngaphambi kwalo mdlalo lo mqeqeshi, uvumile ukuthi lo mqhudelwano sekuyiwona kuphela ithemba labo njengoba izinto zingahambanga kahle kule sizini.
"Kuyiqiniso ukuthi sesithembele ukunqoba lo mqhudelwano kwazise kakusekho esingakuthola manje. Empeleni ukuba ngiqeqesha kwezinye izindawo, kangingabazi ukuthi ngabe sebengifake amasondo," esho.

NGU-GUARDIOLA ezama ukunyusa imimoya yabadlali bakhe ababonakale bedangele. 

ISITHOMBE NGABE: BACKPAGEPIX

Lo mqeqeshi ukhuluma kanjena nje, izinto zimbhimbele kakhulu kule sizini njengoba elwela nokufaka ikilabhu yakhe emaqenjini amane azodlala kwi-Uefa Champions League ngesizini ezayo, okuyinto eqalayo ukwenzeka selokhu wathatha izintambo kule kilabhu aseyinqobele izicoco ezimqoka eziningana.

Isiyonke imidlalo yama-quarter final yeFA Cup ihlelwe kanje:
NGOMGQIBELO
Fulham vs Palace 14h30.
Brighton vs Forest 19h15.
NGESONTO
Preston vs Aston Villa 14h30.
Bournemouth vs Man City 17h30.
* EyeSpanish La Liga:
NGOMGQIBELO
Real Sociedad vs Valladolid 15h00.
Espanyol vs Atletico Madrid 16h15.
Alaves vs Rayo Vallecano 19h00.
Real Madrid vs Leganes 22h00.
NGESONTO
Getafe vs Villarreal 14h00.
Barcelona vs Girona 16h15.
Valencia vs Mallorca 18h30.
Athletic Club vs Osasuna 18h30.
Real Betis vs Sevilla 21h00.
NGOMSOMBULUKO
Celta Vigo vs Las Palmas 21h00.
* EyeSerie A yase-Italy:
NGOMGQIBELO
Venezia vs Bologna 16h00.
Como vs Empoli 16h00.
Juventus vs Genoa 19h00.
Lecce vs Roma 21h45.
NGESONTO
Cargliari vs Monza 12h30
Fiorentina vs Atalanta 15h00.
Inter Milan vs Udinese 18h00.
Napoli vs AC Milan 20h45.
NGOMSOMBULUKO
Verona vs Parma 18h30.
Lazio vs Torino 20h45.