OweDowns uveza okumqoka ngomdlalo weChiefs

Ukhala ngobunzima obubhekene nabadlali bakhe

NGUTEBOHO Mokoena ongelinye lamathemba eSundowns okubhekwe ukuba ayisize uma isibhekene neKaizer Chiefs.

MFANAFUTHI NDLOVU

UVEZA okumqoka ngomdlalo wezakhe ne-Kaizer Chiefs abazobhekana nayo koweBet-way Premiership ngoMgqibelo ngo-15h00 eLucas Moripe Stadium uMiguel Cardo-so ongumqeqeshi weMamelodi Sundowns, esiphenduke umshini oqhulula amagoli nje-ngoba inganqeni ukuhlohla amane ezitheni.

Lo mqeqeshi odabuka ePortugal utshele abe-zindaba ukuthi okumqoka kunakho konke kuyena, wukuqinisekisa ukuthi uyawunqoba umdlalo weChiefs kumnyama kubomvu nge-nhloso yokuqinisa indawo yabo kwi-log.

Uthi yize ebhekene nobunzima ngesikwati sakhe ngenxa yokuthothelana eduze kwemi-dlalo, kodwa uyazama ukubhekana nalesi simo ukuze abalandeli bakanobhutshuzwayo bagculiseke ngemali abayikhokhayo ukubuka imidlalo yale kilabhu.

"Kanginandaba kangakho namagoli esesiwa-shayile kule midlalo emine esiyigijimile, oku-balulekile wukungena amaphuzu esikhwa-meni sethu. Okumqoka wukuthi kufanele silwele ukungangenelwa ngamagoli.

"Eqinisweni ngigculisekile ngezinga labanye babadlali enginabo ekhempini. UJayden Adams ukhombisa ukuvuthwa ngendlela eyi-simanga enkundleni, kanti noLucas Suarez uya ngokuvela, kwazise usuka osikweni lapho bekudlalwa amabhola ahamba phezulu, ke-pha uzojwayela,” kusho lo mqeqeshi.

USuarez oyibamba emuva, ubegijima kwiTa-relles yangakubo e-Argentina abebolekiswe kuyona yi-Estudiantes RC yakhona e-Argenti-na.
Ebuzwa ngabanye abadlali abanokuthinteka okukhona kubona oRowen Williams onguno-zinti, uKhuliso Mudau obonakalile iDowns ibhaxa iSekhukhune United ngo-4-2 koweligi ngoLwesithathu ebusuku, uCardoso uveze ukuthi bazobona kahle uma sebeqala izinhle-lo zamalungiselelo alo mdlalo wabo neChiefs.

NGU-GLODY Lilepo okubhekwe ukuba alekelele iChiefs iqede ukuchanasa kweDowns ekhanda layo.

IDowns isiyiphuze inyongo iChiefs njengoba izi-Mpofana zagcina ukuyehlula ngo-1-0 ngo-2019 koweligi. Emidlalweni ewu-40 esigijinywe yila ma-kilabhu, iDowns isanqobe ewu-20, iChiefs yanqo-ba ewu-14, badlala ngokulingana kwewu-12.

Kubadlali okubhekwe ukuba banqobele uCardo-so lo mdlalo wangoMgqibelo, kubalwa uPeter Shalulile, uLucas Ribeiro, uTeboho Mokoena noMarcello Allende.

U-Abrey Modiba oyibamba kwesobunxele emuva uzobe engekho kulo mdlalo ngenxa yokuqoqa amakhadi aphuzi. Elinye ulithole emdlalweni ne-Sekhukhune.
Amathemba eziMpofana alele kubadlali okuba-lwa kubona uGlody Lilepo, uThabo Cele, uMdu-duzi Shabalala noTashreeq Morris nokho ongaka-yenzeli lutho le kilabhu selokhu esayinile kuyona esuka kwiSuperSport United.
UGastin Sirino weChiefs uzokube engekho nge-nxa yesigwebo sekhadi elibomvu.