Ingebhe kwiSekhukhune ngokwehlele iChiefs ngesizini edlule

Izobhekana neMilford umqeqeshi wayo ehleli ngesinqe esisodwa

BASALE benkemile abadlali beSekhukhune United emuva kokuba u-Arthur Sales weMamelodi Sundowns eqobele enethini igoli lesine iDowns inqoba ngo-4-2 koweligi.

MFANAFUTHI NDLOVU

OKWEHLELA iKaizer Chiefs kwiNedbank Cup ngesizini edlule yeBetway Premiership - isa-bizwa ngeDStv Premiership - kutatazelisa abaqeqeshi beSekhukhune United ezobhe-kana neMilford FC kwi-last 16 yalo mqhude-lwano ngeSonto ngo-15h00 ePrincess Mago-go Stadium, KwaMashu.

IMilford - edlala kwiMotsepe Foundation Cha-mpionship - yagila izimanga iwashisa ijezi izi-Mpofana kwi-last 32 yalo mqhudelwano yize yayisidlala ishoda emuva kokukhishwa kuka-Vusumuzi Mthabela ngekhadi elibomvu. Yanqoba ngo-5-4 sekukhahlelwa amaphena-thi.

ULehlohonolo Seema ocija iSekhukhune - yize ehleli ngesinqe esisodwa kulesi sikhundla - utshele abezindaba ukuthi izimanga eza-gilwa yiMilford FC kulo mqhudelwano nge-sizini edlule, zenza bangakutholi ukuphumula uma becabanga ngomdlalo wangempelaso-nto, akholwa wukuthi uzokuba nzima.

" Sisazohlala phansi nethimba lethu siyihlelele kahle (iMilford) ngoba kakudingeki sixhama-zele kulo mdlalo, kwazise siwudlalela esiba-yeni sayo. Nokho ngeneme ngendlela abadlali bami abakhombisa ngakhona ukuvuthwa,” kusho lo mqeqeshi ezakhe eziguqiswe yiMa-melodi Sundowns ngo-4-2 koweligi ngo-Lwesithathu ebusuku.

“Ukudliwa yiSundowns kakukhona ukuphela komhlaba. Okubi nje wukuthi sidedele ama-goli alula kulo mdlalo." esho.

NGULEHLOHONOLO Seema ongumqeqeshi weSekhukhune United.

USeema ubhoke ngolaka ebuzwa mayelana neku-sasa lakhe kule kilabhu njengoba kuvela ezithi ule-ngelwa yizembe yize iSekhukhune ilele endaweni yesithathu kwi-log.

Lo mqeqeshi uzeseke ngokuthi ngeke akwazi uku-qagula ngezimo angeke akwazi ukuzinqanda. Uthe okubalulekile wukwenza umsebenzi aqashelwe wona ngabaphathi kwazise kabakaze basho lutho kuyena.

Ozonqoba phakathi kweSekhukhune neMilford, uzobhekana neSundowns engagayelwa mphako njengoba isize iteketiswa ngele-4x4 kwazise imandla ekushayeni izitha ngamagoli amane.