NGUTHIBANG Phete exinwe nguPeter Shalulile weqembu lesizwe laseNamibia. 

ISITHOMBE NGABE: BACKPAGEPIX

Senzo Sokhela

USAYINE kwi-IF Vestri egijima kwiBesta Deild Karla, okuyiligi enkulu yase-Iceland uThibang Phete (30) odlala emuva, obejwayele ukubizwa eqenjini lesizwe laseNingizimu Afrika,  iBafana Bafana.
Lo mdlali okhulele enkulisa yeStars of Africa Academy, usehlale iminyaka engaphezulu kwewu-10 e-Europe.

Uchithe isikhathi esiningi ePortugal edlala emakilabhini okungabalwa kuwona iVitória SC, FC Famalicão ne-B SAD ukukha phezulu.

Ugcine ukudlala kwiChaves yakhona ePortugal, edliwe yizembe ngesizini ka-2023-24 njengoba isigijima esigabeni sesibili.

Khonamanjalo, wethulwe ngokusemthethweni yisikhondlakhondla sekilabhu yaseNorway, iMolde, uSamukelo Kabini (21), obedlala emuva kwiTS Galaxy.

UKabini usayine inkontileka yeminyaka emithathu nale kilabhu okuvela ukuthi imuthenge ngo-R15 million kwiGalaxy.

Le kilabhu ibilokhu ithumela izinhloli kuleli ukuzobuka lo mdlali enkundleni, zagcina zigculisekile ngaye.