UMngqithi udalula okumbuyisele kwi-Arrows

UKEENAN Phillips (ongowesibili ukusuka kwesokudla) ejabula nozakwabo emuva kokushaya igoli bebhekene neMamelodi Sundowns

SENZO SOKHELA

UCACISA ngesizathu esenze waqoma iLamont-ville Golden Arrows ekubeni abekhona amanye amakilabhu abemufuna uManqoba "TV" Mngqi-thi osanda kuqokwa njengomqeqeshi omusha wale kilabhu.

I-Arrows ibambane neMamelodi Sundowns ngo-1-1 koweBetway Premiership ngoLwesithathu ebusuku eMpumalanga Stadium, eHammarsdale.
Igoli le-Arrows lishaywe nguKeenan Phillips, eleDowns kwaba yiphenathi eqotshelwe enethini nguLucas Ribeiro ongabhenywa kulezi zinsuku.

"Naye uyazi ukuthi angalala ubuthongo bengane... uyazi ukuthi kangilali emsebenzini."

UMngqithi uthi okwenze waqoma i-Arrows ekubeni abekhona amakilabhu abemushela - wubudlelwano obuhle anabo noSihlalo waBafana Bes'thende, uMato Madlala. Kuvela ukuthi ubefunwa yiCape Town City, yiSekhukhune United nekilabhu yase-Egypt.

"Usis' uMato cishe ungiqonda ukwedlula bonke abantu. Ubudlelwano bethu bungaphezulu kobo-mqashi nomqeqeshi, singabandawonye. Ngisho ngisakwiSundowns, bengisiza lapho okufanele ngisize khona kwi-Arrows, yingakho kube lula ukuba ngibuye ukuzosiza le kilabhu.

"Ngizokwenza le kilabhu ibe ngcono, naye uyazi ukuthi angalala ubuthongo bengane aye noma yikuphi lapho ethanda khona, ngoba uyazi ukuthi kangilali emsebenzini futhi ngiyawuthanda umse-benzi wami. Uyazi ukuthi ngiyingxenye ngokuphelele yale kilabhu, akangingabazi nakancane.
"Njengoba nginqume ukuza lapha nje, ngizokhipha wonke amangwevu futhi kangingabazi ukuthi le kilabhu izosuka lapho ihleli khona," esho.